6/11-7/11一連兩日係中學陸運會，雖然星期一同星期二都要全日上堂，但係最終我都為左返去而走堂，始終都係比較留戀中學。

今次陸運會距離上一次只係短短半年時間，但我既身份已經由中七同學變成校友，雖然已經身在Poly，但係中學一有活動就會想返去玩下，幫下手。踏入運動場既一刻，雖然有D陌生既感覺，不過好快就適應到，睇住師弟妹係到比賽，真係好想自己落場玩埋一份，好懷念以前既時光。

比起上次既陸運會，今次既陸運會既天氣真係好好多，係場中間影相影左一陣就已經曬「lon」左。不過如果無咁好既天氣，都影唔到今次既相，今次全程都係用定焦鏡去影，而且係第一次用支85/1.4去影相，不過睇到d相之後，真係覺得用暑期工賺返黎既錢買E一支鏡係無錯既。已經好耐無專心咁影過相，自從中六七面對AL開始，就已經無再影相，今次真係重拾返影相既樂趣。

完左陸運會之後，兩日都有出去沙田去食野，好快就已經感覺到自己已經好累，烈日當空下影相真係好累，之後期待既日子就係毅行者啦，要好好休息幾日，今年希望都可以順利完成。

下一年有時間既話，我應該都會抽時間返去陸運會。校友們，你地呢?

觀看相片請點選下面的連結