一連三星期既Final終於過去，準備要迎接聖誕既來臨，已經有好耐都無約傑、cat同肥威出黎見面，終於可以係今日再次見面。

今朝早本來約好左同肥威一齊去傑屋企到打wii，點知佢朝早起唔到身.....結果最後打機既安排取消左....。

結果要等到夜晚先出去旺角食飯，係旺角地鐵站等齊人之後四周圍搵地方落腳，最初打算去打邊爐，但肥威又話佢近排打左好多次，想食pizza hut又太多人，連韓燒都加價....。最後係旺角揀左好耐先決定去花園餐廳，好彩今餐都唔係太貴，唔係今個聖誕黎緊果幾日一定破產。

我都已經唔記得我地有幾耐無約過出黎見面，只係知道大家各有各忙，都無時間約出黎。食完晚餐之後我地去左信和，潮特到行，原本諗住四個人一齊食糖水，但係家健有事要走先，得返三個去石磨坊食。下次大家去mk果間食既時候一定唔好食果到d西米露...甜到唔想食...。之後就返屋企。

返到屋企都12點幾，之後教傑佢整返上網，搞左成粒鐘都上唔到網原來係因為佢插錯線....，仲晒左我咁多口水叫佢試e樣試果樣...。佢上到網之後終於可以同cat一齊玩aoc，以前中二三打機果種感覺又返返黎，真係好懷念以前暑假晚夜一大班人係到約玩aoc，無論贏左輸左都可以吹成晚水。雖然今晚只係玩左一場，雖然唔多但都好滿足，去到四點左右訓。