雖然我已經前果幾日玩到殘晒，但係亦無損我今日繼續玩落去既心情，今個假期日日都有唔同既節目，今日既節目係打牌同唱K。

都唔係好記得自己上一次打牌係幾時，只係知道已經有好耐好耐無打過牌，佢地係一大清早(10點對於假期黎講係好早架啦)，今次依然係我，培，tom同wing既四人組合。

今日d牌運真係差到極點，打左成日，10局有8局人地食左糊我連牌都未做好，結果損失慘重，由培同wing大贏我同tom....唔緊要，好彩我地一向都唔賭錢，過下癮就夠啦，打到2點3左右就join 胡佩同歐家去歐家做果d間綠盒子唱k(tom當然唔去啦)。

今次唱k應該係我唱咁多次以黎最特別既一次，點解？

1. 因為今次係自己人地方唱k。
2. 我地食既下午茶唔係綠盒子入面既餐，而係大搖大擺咁拎住M記外賣入去 。
3. 係歐家既幫助下我地成功將離場時間由6點拖到8點半 。
4. 最後，係8點25分既時候，最後我地點左勁歌金曲黎唱，發現就算比人cut左點歌，但係「重唱」依然係work架，就係咁，我地係k房入面重唱勁歌2.5次(最後個個都斷氣)。

如果唔係經理「請」我地走，唔知我地會唱到幾多次呢?今次真係要多謝歐家，因為佢尋晚返工已經累到死左,今日佢中午訓左係K房入面，唔唱都比足面，而且又幫左我地咁多,辛苦晒你啦。

唱完K之後，就去左海港城食晚餐，大家都有好耐無坐低一齊傾計，希望以後仲可以Keep住大家既友誼啦。